85巨大破坏力

    就在他们谈得兴高采烈的同时，变种甴曱群又再次追上来！流主他们无可奈何，只有继续逃亡．．．

    「我地系咁逃走都无用喎．．．不如谂下办法点杀Si只巨型变种甴曱啦．．．」流主说

    「哼．．．你唔系讲紧头先我地见到嗰只巨兽咁大只嘅变种甴曱挂？」孖根说

    众人沉默了一阵子．．．看来答案显而易见．．．

    「如果有GP-01喺度．．．对付佢就易过借火．．．」阿宝说

    「就算唔理嗰啲普通变种甴曱，以佢嘅T积．．．我地手上嘅武器都无咩用。」孖根说

    流主说：「头先有个傻佬话咩只巨型变种甴曱咩．．．以柔制刚．．．咩反作用力．．．话用瞬间产生破坏力嘅攻击先有效．．．」

    「．．．听落有道理，但系有啲咩可以瞬间产生大破坏力？」阿宝想了一下说：「我净系谂到豆嘅拳击同锁匙萱把刀。」

    流主担心说：「但系只巨型变种甴曱咁大只，仲要识得喷胃酸，近战会唔会太危险．．．」然後他看了一看面sE灰白，作呕作闷的豆说：「而且豆嘅状态唔多好．．．」

    阿宝不耐烦说：「依样唔得嗰样又唔得．．．咁仲有咩方法呀？」

    「爆炸品、手榴弹嗰啲咪可以瞬间产生巨大破坏力。」孖根说

    阿宝想了一想说：「．．．但系对付T积咁大嘅目标，可能要用到好多爆炸品．．．或者小型核弹。忽然间边度嚟咁多炸弹？」

    流主和锁匙萱对望了一眼，异口同声问：「爆爆子！你会唔会咁啱有小型核弹喺身呀？」

    爆爆子慌忙在背包里寻找：「唔．．．．．．啊，啱啱好有一个啦．．．」